گوی مسجد قاره گئییب

 

باخیرام

 آغلاییرام

یادا دوشدوکجه شیرین خاطره لر

داغلانیرام

نئجه نجوا ائلیین قوش کیمی منله دانیشاردین؟

اودرین سوزلریله عقلی فلکدن آشیراردین؟

گاه محبت ادوبن

گاهدامنیله ساواشاردین

آمما تئزده باریشاردین

سنه حافظدن اینیش سوز دماق اولمازدی،کوسردین

یادا، طنزیله گولردین

قرآنون جلدینی تکجه،نه نیازیله اوپردین

دیری لوب کاش نه اولایدی،گئنه دونیایه گلردین

بودا شاعرلری،عارفلری،بیر لحظه گورردین

خشکناب ساداتونی مجلس ختمینده اوپردین

گوی مسجد قاره گئییب،گوزلری دولموش ارکین

شهریاری شعریلن تبریزه دلداری ورردین

تهرانا گول سپه لردین

آمما سن آرزووا چاتمیش داها الله چاتوپسان

حافظ و سعدی و قطرانیله بیر یئرده یاتوپسان

او خیالونداکی مولانی تاپوپسان

بیزده سن سیزه نه دئییم کوچه مقصودی ایتیردوخ

آمما باش ساغلوغیوی ارکیله شیرازه یئتیردوخ…

                                                                             ابوالفضل علیمحمدی

 

نوشته ها و تالیفات